2018 聖誕律動藝術工作坊

稻田故事工作室 x Newborn Nanny綠色育兒 呈獻

每逢聖誕節,都會想起雪,但在香港的您有看過雪嗎?
究竟應如何向香港的孩子講及雪的出現?而雪又跟聖誕有甚麼關係?

今個聖誕,稻田故事工作室會帶領1-8歲孩子,郁黎郁去尋找及感受香港的

「雪」!
「雪」的溫度、「雪」的形狀、「雪」的出現,讓孩子了解雪的更多,
課堂並會有創意聯想部份,讓孩子表達對雪的感覺,
就讓我們一同在港感受一個下雪的聖誕!

但係……我仲係有好多問題!唔明?睇埋下面就明架喇!;D

1. 其實工作坊內容有啲咩玩架?

首先就梗係要郁身郁勢,挑戰身體當然唔少得!但點玩雪?香港當然無真雪!但如果想俾小朋友感受雪嘅温度,您會用冰?感受雪的數量,您會用好多鹽?我地嘅課堂會用日常生活中的物件,讓小孩子以身體親身感受唔同嘅質感,而工作坊內會從學習不同角度感受雪,當然不止冰及鹽!; )

2. 最後所講嘅創意聯想部分會做啲咩?

每個年齡嘅工作坊,會有不同嘅創意聯想部份,可能是繪畫設計圖,可能是動手做手作,可能是freeplay,更可能是煮野食!我地無將呢部份先透露出來,係因為我地唔希望孩子及家長以呢個部份作為一個工作坊的最後成果,創意聯想係希望小孩子可以在前面的身體動動部份中被啟發及引起創作動機,繼而在最後將創意真實呈現,而我們亦會在工作坊結束前,邀請孩子向家長講解佢嘅設計心得,讓家長可以嘗試拋開邏輯性思考,投入小朋友的天馬行空中。

3. 玩完呢個工作坊,會有啲咩得著?

明白教育唔係每一秒都講得著,但教學亦同時需要目標,我們不是期望一個小時立即學到好多野,而我地希望課堂中的郁身郁勢可有助打開小朋友對身體的感覺,打開身體學習能力,增強人與人之間的身體聯系。而呢種教育最重要係希望小朋友問問題!問問題係一切學習的根源,問問題係打開世界的一扇窗,而我們所舉辦工作坊以節日為主題,係希望小朋友好快就可以同現實產生聯繫,引發更多聯想,問更多問題!當然,就好似跑步一樣,唔係話想跑得快就即刻跑到,而係需要練習,不論身體還是腦袋的思考能力亦都一樣,因此我地會不定期舉行工作坊,同時亦設有常規課堂,以身體及腦袋持之以恆地探索及學習。

☃❄ 希望今個聖誕能與您和孩子
渡過一個有雪的香港聖誕!🎄

【孩子的第一場雪】律動藝術工作坊
尖沙咀山林道7號漢國佐敦中心19樓01-02室

2018年12月23日(星期日)

1-2歲親子班 - 早上10:00至11:00
$250 - 一位成人與一位孩子
*額外每位家長$100

  3-5歲親子班 - 早上11:45至下午1:00 (Full)
$250 - 一位成人與一位孩子
*額外每位家長$100

  5-8歲孩子班 - 下午2:30-5:00 (Full)
$250 - 一位孩子獨立自己上課

- - - - - - - - - - - - - - - - - - - - - - - - - - - - - - - -

2018年12月28日(星期五)
5-8歲孩子班 - 下午2:30-5:00 * 加開 *
$250 - 一位孩子獨立自己上課

2018年12月29日(星期六)
3-5歲親子班 - 下午3:00-4:15 
* 加開 *
$250 - 一位成人與一位孩子
*額外每位家長$100

*課堂主題當然會環繞雪及聖誕進行,而內容會因應不同歲數孩子而作出不同教學內容安排!

 

*** 於11月20日前報名,可享優惠$200/節,快啲報名啦!***

© 2020 Newborn Nanny. All rights reserved.

This site was designed with the
.com
website builder. Create your website today.
Start Now